संपादक : VILAS JOSHI

कोरोना प्रतिबंधासाठी जिल्ह्यात आपत्ती व्यवस्थापन कायदा लागू                हिंगोली,दि.13:  आंतरराष्ट्रीय स्तरावर व देशातंर्गत कोरोना विषाणू संसर्ग बाधित रुग्ण आढळत आहेत. तसेच आंतरराष्ट्रीय स्तरावरुन व देशातंर्गत विमान प्रवासाद्वारे प्रवासी भारतात सर्वत्र प्रवास करीत आहे. त्यामुळे कोरोना विषाणूंचे संशयीत रुग्ण हिंगोली शहरात आढळून येण्याची शक्यता असून यामुळे संसर्ग वाढण्याची शक्यता असल्याने त्यावर तात्काळ सनियंत्रण करुन संसर्गात वाढ होऊ नये तसेच त्यावर प्रतिबंधात्मक उपाययोजना करणे आवश्यक आहे. या सर्व पार्श्वभूमीवर जिल्हा आपत्ती व्यवस्थापन प्राधिकरणाचे प्रमुख जिल्हाधिकारी रुचेश जयवंशी यांनी हिंगोली जिल्ह्यात आपत्ती व्यवस्थापन कायदा लागू केल्याचे आदेश दिले आहे. याची अंमलबजावणी करण्यासाठी जिल्हा रुग्णालयाचे जिल्हा शल्य चिकित्सक डॉ. किशोर श्रीवास यांची तर जिल्हा परिषदेचे आरोग्य अधिकारी डॉ. शिवाजी पवार यांची सनियंत्रक म्हणून नियुक्ती केली आहे. या कायद्यातंर्गत औषध विक्रेते यांनी जास्त भावाने मास्क विक्री केल्यास, औषधांच...

शिष्यवृतीचे अर्ज १६ मार्च पुर्वी निकाली काढा   समाजकल्याण सहाय्यक आयुक्‍तांचे आवाहन   हिंगोली -  महाविद्यालयामध्ये प्रवेश घेतलेल्या अनुसुचित जाती, विमुक्त जाती व भटक्या जमाती, इतर मागास वर्ग व विशेष मागास प्रवर्गातील विद्यार्थ्यांचे शिष्यवृतीचे प्रलंबीत अर्ज महाडीबीटी या संगणक प्रणालीवर 16 मार्च पुर्वी निकाली काढावेत असे आवाहान  समाजकल्याण सहाय्यक आयुक्‍त भाऊराव चव्हाण यांनी केले आहे.   सन 2019-20 या वर्षात भारत सरकार शिष्यवृत्ती व शिक्षण शुल्क-परिक्षा शुल्क, राजर्षी शाहू महाराज गुणवत्ता शिष्यवृत्ती, व्यावयायिक पाठ्यक्रमांशी संलग्न असलेल्या विद्यार्थ्यांना निर्वाह भत्ता योजनांचे महाविद्यालय स्तरावरील प्रलंबित अर्ज निकाली काढण्यासाठी महाडिबीटी या संगणक प्रणालीवर अंतिम दिनांक 16 मार्च 2020 आहे. यानंतर सदरच्या अर्जावरील कार्यवाही करण्यासाठी कोणतीही मुदतवाढ मिळणार नाही, त्यामुळे  महाविद्यालयांनी त्यांचे लॉगीनवरील प्रलंबित अर्ज निकाली काढण्याची कार्यवाही तात्काळ पूर्ण करावी असे आवाहन सहायक आयुक्त श्री. चव्हाण यांनी केले आहे.

सेनगाव येथे तालुकास्तरीय प्रशिक्षणास शिक्षकांचा प्रतिसाद सेनगाव - येथील तोष्णीवाल महाविद्यालयात फिट इंडिया मूव्हमेंट अंतर्गत शुक्रवारी (ता.१३) तालुकास्तरीय प्रशिक्षण घेण्यात आले. या प्रशिक्षणास शिक्षकांचा प्रतिसाद मिळाला. या कार्यक्रमाचे अध्यक्ष म्हणून प्राचार्य एस. जी.तळणीकर हे होते, तर क्रीडा अधिकारी फुफाटे यांची प्रमुख उपस्थिती होती. यावेळी तालुक्यातील१२५शिक्षकांना पावर प्रेझेंटेशन द्वारे वयोगट नुसार माहिती देण्यात आली.फिट इंडिया मूव्हमेंट अंतर्गत ६ ते १८ वयोगटातील मुले-मुलींसाठी क्रीडा नैपुण्य असलेल्या खेळाडूंचा शोध घेऊन जिल्ह्यात दर्जेदार खेळाडू तयार करण्यासाठी शाळा स्तरावर विविध चाचण्या कश्या पद्धतीने घ्यावयाच्या आहेत याबाबत मार्गदर्शन करण्यात आले. त्यानुसार पाच ते आठ वयोगटात तीन चाचण्या घेण्यात आल्या यामध्ये उंची, वजन, प्लेट टॅपिंग ,तर पाच ते आठ साठी बॅलन्स चाचणी, नऊ ते अठरा वयोगटासाठी वजन,उंची, पन्नास मीटर डॉग रण,६००मीटर रण अँड वॉक, सीट अँड रिच ,पार्सल कलर्स अप, या शारिरीक कासोट्यांचे मूल्यमापन व प्रात्यक्षिक पावर प्रेझेंटेशन द्वारे दाखविण्यात आले.  मास्टर ट्रेनर संजय बुमरे...

दुचाकीची समोरासमोर धडक, एकाचा मृत्यू तर एकजन गंभीर जखमी. चाकूर तालुक्यातील जनावळ येथील अजय सुग्रीव शिंदे हा दुचाकीवरून लातूरकडे येत होता. दरम्यान, नांदगाव फाट्याजवळ एका वाहनाला ओव्हरटेक करताना समोरून येणाऱ्या दुचाकीला त्याची गाडी धडकली. यात त्याचा जागीच मृत्यू झाला असून, एक जण गंभीर जखमी झाला आहे. ओव्हरटेक करत असताना हा अपघात झाला आहे. जखमी तरुणाला शासकीय रुग्णालयात दाखल करण्यात आले आहे. चाकूर जवळील जानवळ येथील अजय सुग्रीव शिंदे हा दुचाकीवरून लातूरकडे येत होता. दरम्यान, नांदगाव फाट्याजवळ एका वाहनाला ओव्हरटेक करताना समोरून येणाऱ्या दुचाकीला त्याची गाडी धडकली. यामध्ये अजयचा जागीच मृत्यू झाला, तर समोरच्या दुचाकीवरील शफीक खलील शेख हा गंभीर जखमी झाला आहे. त्याला लातूरच्या शासकीय रुग्णालयात उपचारासाठी दाखल करण्यात आले आहे.घटना समजताच चाकूर पोलीस ठाण्याच्या कर्मचाऱ्यांनी घटनास्थळी धाव घेतली होती. रस्त्याची दुरवस्था त्यात ओव्हरटेक करण्याच्या प्रयत्नात ही दुर्घटना घडली असून २५ वर्षीय अजयला जीव गमवावा लागला आहे. रुग्णवाहिकेतून शवविच्छेदनासाठी मृतदेह हा शासकीय रुग्णालयात आणण्यात आला आहे.

2560 रुपयाची अवैध देशी विदेशी दारु जप्त   हिंगोली - बाळापूर पोलीस ठाण्यातंर्गत येणाऱ्या म्हैसगव्हाण ते रुपूर टी पॉईटवर जाणाऱ्या रस्‍त्‍यावर असलेल्या एका पत्राच्या टिनशेडमध्ये अवैध देशी विदेशी दारुच्या 2560 रुपये किमंतीच्या बॉटल जप्त करून एकावर गुरूवारी (ता.12) गुन्हा दाखल करण्यात आला आहे.    पोलीसांनी दिलेल्या माहितीनुसार बाळापूर पोलिस ठाण्यातंर्गत येणाऱ्या बोल्‍डा शिवारात म्हैसगव्हाण ते रुपूर टी पॉईटवर जाणाऱ्या रस्‍त्‍यावर असलेल्या एका पत्राच्या टिनशेडमध्ये एका नायलोनच्या थैलीत देशी व विदेशी दारुच्या एकूण 24 बॉटल ज्याची किमंत 2260 रुपये स्‍वतःच्या फायद्यासाठी विनापरवाना चोरटी विक्री करताना गोविंद शिंदे राहणार हारवाडी यास पोलिसांनी पकडून त्‍याच्याकडून बॉटल जप्त करून पोलिस उपनिरिक्षक हनुमंत नकाते यांच्या फिर्यादीवरून बाळापूर पोलिस ठाण्यात गुन्हा दाखल झाला आहे.