हिंगोलीत बनावट नोटा सापडल्या, कारखान्यावर पोलिसांचा छापा ,आरोपीना अटक
हिंगोलीत बनावट नोटा कारखान्यावर पोलिसांचा छापा ,आरोपीना अटक
लाखो रुपयांच्या नोटासह साहित्य जप्त ,हिंगोली पोलिसांची कारवाई
हिंगोली - ग्रामीण हद्दीत बनावट नोटा तयार करून बाजारात चलनात आणली जात असल्याची माहिती मिळताच पोलिसांनी बनावट नोटा तयार करणाऱ्या कारखान्यावर छापा मारून लाखो रुपयांचा माल व साहित्य जप्त करून आरोपीना अटक केली असल्याची माहिती पोलीस अधीक्षक योगेशकुमार यांनी गुरुवारी पत्रकार परिषदेत दिली.
येथील ग्रामीण उपअधीक्षक कार्यालयात गुरुवारी पत्रकार परिषद घेण्यात आली, यावेळी अप्पर पोलीस अधीक्षक यशवंत काळे, उपविभागीय पोलीस अधीक्षक रामेश्वर वैन्जने, सपोनि ओमकांत चिंचोळकर, आदींची उपस्थिती होती.
यावेळी योगेशकुमार म्हणाले, शहरालगत असलेल्या ग्रामीण पोलीस ठाणे हद्दीतील आनंदनगर भागात बनावट नोटा छापण्याची गुप्त माहिती मिळाल्याने अरूण हनवते यांच्या घरामध्ये भाडयाने राहणारा एक इसम व त्याचे सोबत एक महिला व इतर साथीदार मिळुन ते बनावट नोटा छापुन प्रिंट करून स्वतः च्या फायदयासाठी त्या नोटा बाजारामध्ये चलनात आनत आहे . तसेच स्वत : जवळ घरात बाळगुन आहे अशी खात्रीशीर माहिती मिळाल्याने उप विभागीय पोलीस अधीकारी श्री . रामेश्वर वैजने यांना मिळाली त्यानुसार सपोनि श्री ओमकांत चिंचोळकर व पोलीस कर्मचारी रूपेश धाबे , महेश बडे ,अर्जुन पड्यन , वसंत चव्हाण , आशा केंद्रे , विजय घुगे यांच्या पथकाने बुधवारी रात्री सापळा रचला आणि आनंदनगर भागातील अरूण हनवते यांचे घरामध्ये भाडयाने राहणारा एक इसम नामे संतोष जगदेवराव सुर्यवंशी ( देशमुख ) याचे घरी छापा मारला असता १०० , २०० , ५००, २००० रुपये किमतीच्या नकली नोटा प्रिंट , स्कॅनिंग व झेरॉक्स अशा तिन्ही एकत्रीत सुविधा असणारी कॅनॉन कंपनीची मशिन , नकली नोटा तयार करण्यासाठीचे लागणारे सहित्य तसेच महालक्ष्मी देवी यांच्या मुर्ती हया पुरातन कालीन असुन त्या सोन्याच्या असल्याचे सांगून धन सापडले .असल्याचे ग्राहकांना सांगत होते.
ग्राहकांना अमिष दाखवून फसवुन करण्याकरीता पिवळसर धातुच्या रंगाच्या महालक्ष्मी देवीच्या १३ मुर्ती व बनावट नोटा , १७,४७,३५० व खऱ्या नोटा २०,००० रुपये आणि मशीन व इतर नोटा बनविण्याचे इतर साहित्य १७ , ९ ७५ रुपये प्रिंटर व एक चार चाकी कार किमत ६,४५,००० रुपये चा मुद्देमाल असा एकुण २४,३०,३२५ चा मुद्येमाल जप्त करून आरोपी संतोष जगदेवराव सुर्यवंशी ( देशमुख ) यास अटक करून ग्रामीण पोलीस स्टेशन येथे त्याच्या विरुद्ध व छायाबाई गुलाबराव भुक्तार यांचे विरूध्द भादवी कलम ४८ ९ ( अ ) , ४८ ९ ( ब ) , ४८ ९ ( क ) , ४८ ९ ( ड ) , ४८ ९ ( ई ) , ४२०,३४ प्रमाणे गुन्हा दाखल करण्यात आला असल्याचे त्यांनी सांगितले. सदरची कारवाई ही उप विभागीय पोलीस अधीकारी श्री . वेजने व दहशतवाद विरोधी कक्ष , हिंगोली या पथकामार्फत करण्यात आल्याचे शेवटी योगेशकुमार यांनी सांगितले.तसेच हिंगोली पोलिसांनी धाडसी कारवाई केल्याबद्दल सर्व टीमचे कौतुक केले.
