रविवारी नव्याने ६३ रुग्णांची भर , तर १७ रुग्णांना सुट्टी
रविवारी नव्याने ६३ रुग्णांची भर , तर १७ रुग्णांना सुट्टी
२९१ कोरोना बाधित रुग्णांवर उपचार सुरु
हिंगोली - जिल्ह्यात रविवारी ६३ नवीन रुग्णांचा अहवाल पॉझिटिव्ह आला असून, तर १७ रुग्ण बरे होऊन घरी परतल्याने त्यांना सुट्टी देण्यात आली आहे.२९१ रुग्णावर उपचार सुरु असल्याची माहिती जिल्हा शल्य चिकित्सक डॉ. किशोरप्रसाद श्रीवास यांनी दिली आहे.
आज प्राप्त झालेल्या अहवालानुसार हिंगोली परिसर चार व्यक्ती रॅपीड अँटीजन टेस्ट द्वारे, तर हिंगोली परिसरातील २९ व्यक्ती, वसमत परिसर १२ व्यक्ती, कळमनुरी परिसर ११ व्यक्ती व सेनगाव परिसर ७ व्यक्ती आरटीपीसीआर टेस्टद्वारे पॉझिटिव्ह आढळून आले आहेत तर आज १७ रुग्ण बरे झाल्याने त्यांना डिस्चार्ज देण्यात आला आहे.
सद्य:स्थितीत जिल्हा सामान्य रुग्णालयातील आयसोलेशन वार्डमध्ये भरती असलेल्या रुग्णांपैकी ११ रुग्णांची प्रकृती गंभीर असल्याने त्यांना ऑक्सीजन चालू आहे. तर चार रुग्णांची प्रकृती अतिगंभीर असल्याने त्यांना बायपॅप मशीनवर ठेवण्यात आले आहे. असे एकूण १५ रुग्णांची सद्य:स्थितीत प्रकृती चिंताजनक असून तज्ज्ञ डॉक्टरामार्फत त्यांच्यावर उपचार सुरु आहेत.
जिल्ह्यात आजपर्यंत एकूण एक हजार ७१२ रुग्ण झाले असून, त्यापैकी १ हजार ४०१ रुग्ण बरे झाल्याने त्यांना डिस्चार्ज देण्यात आला आहे. तर आज घडीला जिल्ह्यात एकूण २९१ रुग्णांवर उपचार सुरु आहेत. तसेच जिल्ह्यात आतापर्यंत २० व्यक्तींचा मृत्यू झाला असल्याचे जिल्हा शल्य चिकित्सक किशोरप्रसाद श्रीवास यांनी सांगितले आहे.
