हिंगोलीत कोरोनाने ७५ वर्षीय वृद्धाचा मृत्यू सोमवारी नव्याने २७ रुग्ण पॉझिटिव्ह तर १७ रुग्ण बरे

हिंगोलीत कोरोनाने  ७५ वर्षीय वृद्धाचा मृत्यू

 सोमवारी नव्याने २७ रुग्ण पॉझिटिव्ह तर १७ रुग्ण बरे
 
हिंगोली - जिल्ह्यात सोमवारी नव्याने २७  कोरोना बाधित रुग्ण सापडले असून, यातील सर्व रुग्ण हे आरटीपीसीआरटी तापसणीत आढळून आले आहेत .तर १७ रुग्ण बरे झाल्याने त्यांना सुट्टी देण्यात आली असून एका ७५ वर्षीय वृद्धाचा मृत्यू झाला आहे. 

 जिल्हा सामान्य रुग्णालयाकडून सोमवारी  प्राप्त झालेल्या  अहवालानुसार  आरटीपीसीआर तापसणीत २७ रुग्ण कोरोना पॉझिटिव्ह आढळून आले आहेत.यामध्ये हिंगोली परिसर आठ,सेनगाव ११,वसमत सात, कळमनुरी एक, असे एकूण २७ रुग्ण  पॉझिटिव्ह आढळून आले आहेत.

तर आज १७ रुग्ण बरे झाल्याने त्यांना सुट्टी देण्यात आली .यामध्ये हिंगोली आयसोलेशन वॉर्ड येथील दोन, सेनगाव कोरोना सेंटर येथील १५ असे एकूण १७ रुग्ण बरे झाल्याने त्यांना सुट्टी देण्यात आली आहे.तसेच  आझम कॉलनीतील ७५ वर्षीय वृद्धाचा कोरोना आजाराने मृत्यू झाला आहे.

सद्य:स्थितीत जिल्हा सामान्य रुग्णालयातील आयसोलेशन वार्डमध्ये भरती असलेल्या कोरोना रुग्णांपैकी १० रुग्णांची  प्रकृती गंभीर असल्याने त्यांना ऑक्सीजन चालू आहे. तर कोरोनाच्या २  रुग्णांची प्रकृती अतिगंभीर असल्याने त्यांना बायपॅप मशीनवर ठेवण्यात आले आहे. असे एकूण १२ रुग्णांची  प्रकृती चिंताजनक असून तज्ज्ञ डॉक्टरामार्फत त्यांच्यावर उपचार सुरु आहेत.
     
जिल्ह्यात आजपर्यंत कोरोनाचे एकूण १५०२ रुग्ण झाले असून, त्यापैकी १२९१ रुग्ण बरे झाल्याने त्यांना डिस्चार्ज देण्यात आला आहे. तर आज घडीला जिल्ह्यात एकूण १९१ रुग्णांवर उपचार सुरु आहेत. तसेच कोरोनामुळे जिल्ह्यात आतापर्यंत २० रुग्णांचा मृत्यू झाला असल्याचे जिल्हा शल्य चिकित्सक किशोरप्रसाद श्रीवास यांनी सांगितले आहे.