दिलासादायक; हिंगोली, मंगळवारी ३३ रुग्णाची कोरोनावर मात तर नऊ पॉझिटिव्ह
दिलासादायक; हिंगोली, मंगळवारी ३३ रुग्णाची कोरोनावर मात तर नऊ पॉझिटिव्ह
२३ रुग्णांची प्रकृती चिंताजनक
हिंगोली - सामान्य रुग्णालयाच्या प्राप्त आकडेवारीनुसार मंगळवारी ३३ रुग्ण ठणठणीत बरे झाल्याने त्यांना सुट्टी देण्यात आली आहे. तर पुन्हा नव्याने नऊ रुग्णाची भर पडली आहे. यातील २३ रुग्णांची प्रकृती चिंताजनक
असल्याचे जिल्हा शल्य चिकितस्क डॉ. कुमार प्रसाद श्रीवास यांनी सांगितले.
मंगळवारी प्राप्त अहवालानुसार ३३ रुग्णांनी कोरोनावर मात केल्याने त्यांना सुट्टी देण्यात आली आहे. यामध्ये कळमनुरी कोरोना केअर सेंटर येथील सहा एसआरपीएफ जवान,तर सामान्य रुग्णालयातील २७रुग्ण बरे झाले आहेत. यामध्ये गाडीपुरा एक, इंदिरा नगर एक,नवा मोंढा दोन, आझम कॉलनी पाच, वंजारवाडा पंधरा,मेहराज कॉर्नर एक, जीप वसाहत एक,आदर्श नगर एक यांचा समावेश आहे. तसेच सोमवारी सात रुग्ण आढळून आले आहेत. तर १९ रुग्णांना सुट्टी देण्यात आली आहे. यामध्ये गाडीपुरा एक,विठ्ठल कॉलनी हिंगोली एक,नगर परिषद कॉलनी एक,पलटण हिंगोली एक अँटीजन तपासणी द्वारे पॉझिटिव्ह आला आहे.कासारवाडा एक, रेल्वे परिसर, चोंढी वसमत येथील प्रत्येकी एक असे सात रुग्ण पॉझिटिव्ह मिळून आले आहेत.
हिंगोली जिल्हयात कोरोनाचे एकुण ७१८ रुग्ण झाले आहेत . त्यापैकी ५३९ रुग्ण बरे झाल्यामुळे त्यांना डिस्चार्ज देण्यात आला आहे व आज घडीला एकुन १७१ रुग्णांवर उपचार चालु आहेत आणि ८ कोऱोना रुग्णाचा मृत्यु झाला आहे .
आयसोलेशन वार्ड जिल्हा सामान्य रुणालय हिंगोली येथे भरती असलेल्या कोरोना रुग्णांपैकी १८रुग्णांची प्रकृती गंभीर असल्यामुळे त्यांना ऑक्सीजनवर ठेवण्यात आले आहे. तर पाच रुग्णाची प्रकृती अतिगंभीर असल्यामुळे त्यांना बायप्याप मशीन वर ठेवले आहे. आज रोजी एकूण २३ रुग्णाची प्रकृती चिंताजनक असल्याचे डॉ. श्रीवास यांनी सांगितले.
