हिंगोलीत मंगळवारी कोरोनाचे नव्याने सात रुग्ण, तर एकाचा मृत्यू

हिंगोलीत मंगळवारी कोरोनाचे नव्याने सात  रुग्ण, तर एकाचा मृत्यू

 हिंगोली -  जिल्ह्यात आज सात नवीन कोरोना रुग्णांचा अहवाल पॉझिटिव्ह आला असून सुराणा नगर येथील ७५ वर्षीय वृद्धाचा कोरोना आजाराने मृत्यू  झाल्याची माहिती जिल्हा शल्य चिकित्सक डॉ. किशोर श्रीवास यांनी मंगळवारी दिली आहे. त्यामुळे मृत्यू संख्या १४ वर पोहचली आहे.

मंगळवारी जिल्हा सामान्य रुग्णालयाकडून प्राप्त झालेल्या अहवालानुसार जिल्ह्यात सात रुग्णकोरोना बाधित असल्याचे आढळून आले आहेत.यामध्ये सात रुग्णही आरटीपीसीआर तापसणीत आढळून  आले आहेत.यामध्ये हिंगोली परिसर पाच रुग्ण असून यात यशवंत नगर, पोळा मारोती, रिसाला बाजार, बावन खोली येथील रुग्णाचा समावेश आहे.तर औंढा परिसर दोन रुग्ण आढळून आले असून यामध्ये हे दोन्ही रुग्ण कोविड रुग्णाच्या संपर्कातील आहेत.

आज रोजी एकूण ११ रुग्ण बरे झाल्याने त्यांना सुट्टी देण्यात आली आहे.यात खालील रुग्णांचा समावेश आहे. यामध्ये हिंगोली परिसर चार, यात पलटण पोस्ट ऑफिस रोड, भोईपुरा यांचा समावेश आहे, तर वसमत येथील पाच रुग्ण असून यात हे सर्व रुग्ण चिखली येथील आहेत. तसेच कळमनुरी परिसरातील दोन रुग्ण बरे झाले असून, यात विद्यानागर येथील रुग्णाचा समावेश आहे.असे अकरा रुग्ण बरे झाले आहेत. आज रोजी सुराणा नगर येथील ७५ वर्षीय वृद्धाचा सामान्य रुग्णालयात कोरोना आजाराने मृत्यू झाला आहे.त्यामुळे मृत्यू झालेली संख्या१४ वर गेली आहे.

जिल्ह्यात आजपर्यंत कोरोनाचे  एकूण ११९४  रुग्ण झाले असून, त्यापैकी ८१६  रुग्ण बरे झाल्याने त्यांना डिस्चार्ज देण्यात आला आहे. तर आज घडीला जिल्ह्यात एकूण ३३४ रुग्णांवर उपचार सुरु आहेत. तसेच कोरोना मुळे जिल्ह्यात आतापर्यंत १४ व्यक्तींचा मृत्यू झाला असल्याचे जिल्हा शल्य चिकित्सक किशोर श्रीवास यांनी सांगितले आहे.जिल्हा सामान्य रुग्णालयात आयसोलेशन वॉर्डात भरती असलेल्या पैकी नऊ रुग्णांची प्रकृती अति गंभीर असल्याने त्यांच्यावर ऑक्सिजन सुरु आहे.तर दोन रुग्णांची प्रकृती अतिगंभीर असल्याने त्यांना बायप्यापवर ठेवण्यात आले आहे.अकरा रुग्णाची प्रकृती चिंताजनक असल्याचे डॉ. श्रीवास यांनी सांगितले.