हिंगोली - बापरे हिंगोलीत एकाच दिवशी ५४ कोरोना पॉझिटिव्ह रुग्ण आढळले

बापरे हिंगोलीत एकाच दिवशी ५४ कोरोना पॉझिटिव्ह रुग्ण आढळले

४३ रुग्ण सापडले अँटीजन टेस्ट मध्ये ,१३ रुग्णांची प्रकृती अतिगंभीर

हिंगोली -  जिल्हा सामान्य रुग्णालयाकडून रात्री उशिराने प्राप्त अहवालानुसार शहरातील पाच कंटेनमेन्ट झोन मध्ये गुरुवारी अँटीजन तपासणी करण्यात आली यामध्ये ४३ रुग्ण सापडले असून एकूण एकाच दिवशी ५४ कोरोना पॉझिटिव्ह रुग्ण आढळून आले  तर १३ रुग्णांची प्रकृती अतिगंभीर असल्याची माहिती जिल्हा शल्य चिकित्सक डॉ. कुमार श्रीवास यांनी दिली.

शहरात ज्या भागात कोरोना रुग्ण आढळून आल्यानंतर जिल्हा प्रशासना च्या वतीने तो परिसर सील करून कंटेन मेन्ट घोषित केला जातो .सध्या शहरात पाच कंटेनमेन्ट झोन असून यात तोफखाना कंटेनमेन्ट झोन मध्ये १२१ नागरिकांची अँटीजन टेस्ट करण्यात आली त्यापैकी १०९ लोकांचे अहवाल निगेटिव्ह आले तर १२ नागरिकांचे अहवाल पॉझिटिव्ह आढळून आले. मंगळवारा झोन मध्ये एकूण ९५ नागरिकांची अँटीजन टेस्ट करण्यात आली. त्यापैकी८५ अहवाल निगेटिव्ह तर १० अहवाल पॉझिटिव्ह आले आहेत. तलाबकट्टा झोन मध्ये ९९ व्यक्तीची तपासणी केली असता ९५ अहवाल निगेटिव्ह तर चार अहवाल पॉझिटिव्ह, याच प्रमाणे आझम कॉलनी येथे ९४ जणांची अँटीजन तपासणी केली असता८२ जणांचे अहवाल निगेटिव्ह तर बारा जणांचे अहवाल पॉझिटिव्ह आढळून आले. तसेच पेन्शनपुरा झोन मध्ये ९७ जणांची तपासणी करण्यात आली त्यापैकी ९२ जणांचे अहवाल निगेटिव्ह तर पाच जण पॉझिटिव्ह सापडले. आज दिवसभरात पाचही झोन मध्ये एकूण ५०६ जणांची अँटीजन टेस्ट केली असता ४६३ जणांचे रिपोर्ट निगेटिव्ह तर ४३ जणांचे टेस्ट पॉझिटिव्ह आल्या आहेत.

या व्यतिरिक्त उर्वरित गावपातळीवर कोरोना रुग्ण आढळून आलेल्या पैकी जवळा बाजार एक ६९पुरुष,आखाडा बाळापूर एक ६७ पुरुष, झमझम कॉलनी कळमनुरी येथे एक रुग्ण५४ वर्ष पुरुष,तसेच कळमनुरी तालुक्यातील हरवाडी येथे दोन रुग्ण असून एक २९ युवक व ३० वर्ष युवती तर कांडली  येथे एक रुग्ण असून ८० वर्षाची स्त्री आहे. हिंगोली शहरातील आझम कॉलनी येथील बारा रुग्ण असून यात ३५,३८,५५,३८,६०,४८ वर्ष पुरुष तर ३२,२०,३५,२५,४८,२७ स्त्री यांचा समावेश आहे.गंगानगर  एका पाच वर्षांच्या मुलीचा समावेश आहे.गाडीपुरा एक ३७ पुरुष, जिल्हा परिषद वसाहत चार ३५पुरुष,२५ स्त्री,सहा व तीन वर्षांचा मुलगा यांचा समावेश आहे.

याशिवाय वंजारवाडा येथे सहा रुग्ण आढळून आले आहेत. यामध्ये २४,४५,५०,६०,३०पुरुष तर एका ६५ वर्षीय महिलेचा समावेश आहे. मंगळवारा येथे ३१,२३ वर्षाच्या पुरुषाचा समावेश आहे. तर अकोला बायपास येथे दोन रुग्ण आढळून आले आहेत यामध्ये २६,२५,पुरुष आहेत. रिसाला बाजार येथे ३१ वर्षीय पुरुष आहे. गवळीपुरा येथे चार जण असून यात ६०,५०,२०पुरुष तर एका ७० वर्षाच्या महिलेचा समावेश आहे.नाईक नगर येथे ४२ वर्ष पुरुष ,शिवाजी नगर येथे २४ वर्ष पुरुष,तर तोफखाना येथे बारा जण आढळून आले आहेत.४५,२०,२७,२०,५२, ३४ पुरुष ४८,६७,३५,महिला तर ६,११ वर्षे मुलगा ,एक आठ वर्षीय मुलगी यांचा समावेश आहे.आज सात रुग्ण बरे झाले असून त्यांना सुट्टी देण्यात आली आहे. यामध्ये वसमत कोरोना सेंटर येथील सहा तर एक जिल्हा रुग्णालयातील आहे.

आतापर्यन्त जिल्ह्यात कोरोनाचे ५०६ रुग्ण आढळून आले आहेत. त्यापैकी ३३४ रुग्ण ठणठणीत बरे झाल्याने घरी परतले आहेत. आजघडीला एकूण १६७ रुग्णावर उपचार सुरु आहेत. पाच रुग्णाचा मृत्यू झाला आहे.

जिल्हानंतर्गत आयसोलेशन वॉर्ड सर्व कोरोना सेंटर व गाव पातळीवर तयार कारण्यात आलेल्या क्वारंटाइन सेंटर अंतर्गत एकूण ६८७८ जणांना भरती करण्यात आले होते. त्यापैकी ६०६३ व्यक्तींचे अहवाल निगेटिव्ह आले आहेत.६०६४ जणांना सुट्टी देण्यात आली. सद्यस्थितीला ७८१ रुग्ण भरती असून, आजरोजी ३१४ जणांचे अहवाल प्रलंबित आहेत. तर पाच रुग्णाचा मृत्यू झाला आहे. जिल्हा सामान्य रुग्णालयातील आयसोलेशन वॉर्डात भरती करण्यात आलेल्या रुग्णापैकी १३ जणांची प्रकृती गंभीर असल्याने त्यांना ऑक्सिजन वर ठेवले आहे.