कळमनुरी दोन, वसमत नऊ, हिंगोली एक अशा बारा रुग्णाचा समावेश

चिंताजनक ; हिंगोलीत कोरोना रुग्ण संख्येचा आलेख वाढतोय तर एक जण कोरोनामुक्त

कळमनुरी दोन, वसमत नऊ, हिंगोली एक अशा बारा रुग्णाचा समावेश
 
हिंगोली -  जिल्हा सामान्य रुग्णालयाकडून रात्री पावणे अकराच्या प्राप्त अहवालानुसार शुक्रवारी  जिल्ह्यात आयसोलेशन वॉर्ड अंतर्गत एका५५ वर्षीय पुरुषाला सारीचा आजार झाल्याने त्यास भरती करण्यात आले होते. त्यास कोरोनाची लागण झाल्याचे स्पस्ट झाले असून तो नवल गव्हाण येथील रहिवासी आहे. ते कळमनुरी दोन, वसमत नऊ अशा बारा जणांना कोरोनाची बाधा झाली तर एक रुग्ण ठणठणीत बरा झाल्याने त्यास सुट्टी देण्यात आली आहे. त्यामुळे जिल्ह्यात कोरोनाचा आलेख वाढत चालल्याचे आकडेवारी वरून दिसून येते, तर रुग्ण संख्या५६ वर गेली  असल्याची माहिती जिल्हा शल्य चिकित्सक डॉ. प्रसादकुमार श्रीवास यांनी दिली.

कळमनुरी क्वारंटाइन सेंटर अंतर्गत उपचार घेत असलेल्या नव्याने दोन व्यक्तींना कोरोनाची लागण झाल्याचे स्पस्ट झाले आहे. यामध्ये रुग्ण क्रमांक एक याची तीन वर्षाची मुलगी चिखली येथील रहिवासी असून ती रुग्णाच्या संपर्कात आली होती. तर रुग्ण क्रमांक दोन हा ३८ वर्षीय नांदापूर येथील रहिवासी आहे. तो मुंबई वरून गावी परतला आहे.

तसेच वसमत येथील क्वारंटाइन असलेल्या एकाच दिवशी नऊ जणांना कोरोनाची लागण झाल्याचा अहवाल प्राप्त झाला आहे. त्यामुळे वसमतकरा मध्ये चिंतेचे वातावरण पसरले आहे. यामध्ये शहरातील शुक्रवार पेठ येथे आठ रुग्ण आढळून आले असून ते जवळच्या संपर्कातील व्यक्ती आहेत यात सात वर्षे मुलगा, आठ वर्षे, अकरा वर्ष, बारा वर्षे, चौदा वर्ष मुलगा तर ४५वर्ष,४८वर्ष,पुरुषासह ४२ वर्षाच्या महिलेचा समावेश आहे. त्यानंतर सोमवार पेठ स्टेशन रोड येथे दोन मुले, दोन पुरुष अश्या चार जणांचा समावेश आहे.तर कळमनुरी क्वारंटाइन सेंटर येथे भरती असलेल्या एक रुग्ण ठणठणीत होऊन बरा झाल्याने त्यास घरी पाठवण्यात आले.आजघडीला जिल्ह्यात बारा रुग्ण आढळून आले तर एक कोरोनामुक्त झाला आहे.जिल्ह्यात आतापर्यन्त कोरोनाचे ३२८ रुग्ण झाले असून त्यापैकी २७८ रुग्ण बरे झाले आहेत .सद्य स्थितीत एकूण ५६ रुग्णावर उपचार सुरू आहेत.

जिल्हा सामान्य रुग्णालयातील आयसो लेशन वॉर्डात एकूण अकरा कोरोना रुग्णावर उपचार सुरु असून यात रिसाला एक, मकोडी एक, बहिर्जी नगर दोन, गांधी चौक तीन, जीएमसी नांदेड एक, पेडगाव दोन, शुक्रवार पेठ एक, नवलगव्हाण एक,तालाब कट्टा एक, दौडगाव दोन यांचा समावेश आहे. याशिवाय वसमत येथील केअर सेंटर येथे १८ कोविड रुग्ण दाखल असूनयामध्ये बहिर्जी नगर दोन,गणेश नगर एक, दर्गा पेठ एक,रिधोरा एक, टाकळगाव दोन,जयनगर एक, वापटी एक,शुक्रवार पेठ सात, स्टेशन रोड एक, सोमवार पेठ एक या रुग्णाचा समावेश आहे.तसेच कळमनुरी येथील कोरोना सेंटर येथे नऊ रुग्णावर उपचार सुरु आहेत. यामध्ये विकास नगर दोन, नवी चिखली चार , डिग्रस एक, शेवाळा एक,नांदापूर एक या रुग्णांचा समावेश आहे.

तसेच लिंबाळा अंतर्गत सेंटर येथे अकरा रुग्णावर उपचार सुरु आहेत. यामध्ये तालाब कट्टा एक, प्रगतीनगर एक, भांडेगाव तीन, पिंपळखुटा एक, हनवतखेडा एक, कळमकोंडा चार यांचा समावेश असून त्यांची प्रकृती स्थिर आहे.तर सेनगाव येथे तिघांवर तर औंढा येथे दोघांवर उपचार सुरु आहेत.

जिल्हा आयसोलेशन वॉर्ड व कोरोना केअर सेंटर आणि गावपातळीवर भरती केलेल्या रुग्णात एकूण ५५८१ रुग्णावर उपचार सुरु आहेत. त्यापैकी ५०७८ रुग्णांचे अहवाल निगेटिव्ह आले आहेत. ४८६६ रुग्णांना घरी सुट्टी देण्यात आली आहे. आजघडीला ७०५ रुग्ण भरती असून त्यांच्यावर उपचार सुरू आहेत. यातील २२५ रुग्णांचे अहवाल येणे बाकी असल्याचे डॉ. श्रीवास यांनी सांगितले.