लातूरचे 02 रुग्ण, बाभळगावत 01अहवाल पॉझेटिव्ह, तर 02 रुग्णाचा मृत्यू
आज लातूरचे 02 रुग्ण, बाभळगावत 01अहवाल पॉझेटिव्ह तर 2 रुग्णाचा मृत्यू
विलासराव देशमुख शासकीय वैद्यकीय विज्ञान संस्थेत तापसणीसाठी महानगरपालिकेकडून आलेले दिनांक 11.06.2020 रोजीचे तीन व्यक्तीचे अहवाल प्रलंबित होते. त्यापैकी 02 व्यक्तींचे अहवाल पॉझिटिव्ह आले असून एका व्यक्तीचा अहवाल Inconclusive आला आहे.
पॉझिटिव्ह अहवाल आलेल्या दोन्ही व्यक्ती क्रांती नगर लातूर येथील आहेत.
दिनांक 12.06.2020 रोजी या संस्थेतील एका व्यक्तीचा अहवाल पॉझिटिव्ह आला असून सदर व्यक्ती बाभळगाव येथील असून पॉझिटिव्ह अहवाल आलेल्या व्यक्तीच्या संपर्कात आल्यामुळे त्या व्यक्तीचा अहवाल पॉझिटिव्ह आला आहे
विलासराव देशमुख शासकीय वैद्यकीय विज्ञान संस्थेतील रुग्णालयात दिनांक 06.06.2020 रोजी औसा तालुक्यातील एक स्त्री रुग्ण मुंबईवरुन प्रवास करुन आली असल्यामुळे व त्यांना खोकला, सर्दी, दम लागत असल्यामुळे या रुग्णालयात गंभीर अवस्थेत दाखल झाल्या होत्या. सदर रुग्ण रुग्णालयात दाखल झाल्यापासुन व्हेंटीलेटर वर होत्या त्यांचा उपचारादरम्यान दिनांक 11.06.2020 रोजी रात्री साडेनऊ वाजेच्या दरम्यान मृत्यु झालेला आहे.
तसेच एक रुग्ण इतर ठिकाणच्या अतिदक्षता विभागात मागील 03 दिवसापासुन उपचार घेत होता त्याची प्रकृती खालावल्यामुळे ७० वर्षीय रुग्णांस दिनांक 11.06.2020 रोजी पुढील उपचारासाठी या रुग्णालयात संदर्भित करण्यात आले होते. सदर रुग्ण या रुग्णालयात दिनांक 11.06.2020 रोजी दुपारी 02 वाजेच्या दरम्यान गंभीर अवस्थेत दाखल झाला होता. या रुग्णास पुर्वीपासुनच मधुमेह, उच्च रक्तदाब व ह्दयविकाराचा आजार होता. पाच वर्षापुर्वी त्यांचे बायपास चे ऑपरेशन झाले होते. सदर रुग्ण दाखल झाल्यापासुन व्हेंटीलेटर वर होता त्यांचा उपचारादरम्यान दिनांक 12.06.2020 रोजी (मध्यरात्री एक वाजेच्या दरम्यान) मृत्यु झालेला आहे. अशी माहिती डॉ. राजेश बोबडे, डॉ. किरण डावळे, डॉ. राम मुंढे, डॉ. मारुती कराळे व प्राध्यापक व विभागप्रमुख औषधवैद्यकशास्त्र विभाग डॉ. निलिमा देशपांडे यांनी कळविले.
