बसचालकाची गळफास घेवून आत्महत्या
हिंगोली - कळमनुरी येथील बसचालकाने राहत्या घरी गळफास घेऊन आत्महत्या केल्याची घटना शनिवार (ता.9) रात्रीच्या सुमारास घडली.
याबाबत पोलिस सूत्रांनी दिलेल्या माहितीप्रमाणे कळमनुरी आगारातील बसचालक म्हणून कार्यरत असलेले पंजाब देवकते (वय 45) यांनी शनिवार रात्री अकराच्या सुमारास घरासमोर असलेल्या झाडाला गळफास घेऊन आत्महत्या केल्याची घटना घडली आहे. घटनेची माहिती मिळताच पोलीस कर्मचारी श्री. पोटे यांनी घटनास्थळी भेट देऊन माहिती घेतली.
त्याच्या आत्महत्या कारण अद्याप स्पष्ट झाले नाही. रविवार (ता.10) आगारप्रमुख अभिजीत बोरीकर, अकबर पठाण, यांनी देवकते कुटुंबीयांची भेट घेऊन त्यांना कळमनुरी आगाराकडून तातडीची पाच हजार रुपयांची मदत परिवाराच्या स्वाधीन केली. दरम्यान याप्रकरणी आकस्मिक मृत्यूचा गुन्हा दाखल करणार असल्याची माहिती पोलीस कर्मचारी श्री पोटे यांनी दिली.
