धक्कादायक ; हिंगोलीत एकाच दिवशी ५० रुग्ण

 

धक्कादायक ; हिंगोलीत एकाच दिवशी ५० रुग्ण 

 रुग्ण संख्या पोहचली ६२ वर 

 

हिंगोली -   मुंबई येथून औंढा तालुक्यात आलेल्या एका व्यक्तीसह वसमत तालुक्यातील व्यक्तींना कोरोनाची लागण झाल्याचे शनिवारी सकाळी स्पष्ट झाले आहे . तर रात्री उशिरा आलेल्या अहवालात मुंबई, दिल्ली येथून परतलेल्या सेनगाव तालुक्यातील १३ व कोरोना  सेंटर लिंबाळा गेथील  ३१ जणांना कोरोनाची लागण झाली आहे . त्यामुळे जिल्ह्यात शनिवारी  एकाच दिवशी तब्बल ५० नवे रुग्ण आढळले आहेत . या मध्ये एका समुदाय आरोग्य अधिकाऱ्याचाही समावेश आहे .

 

शनिवारी सकाळी आलेल्या अहवालात मुंबईवरून हिंगोलीत परतलेल्या ६ जणांना कोरोनाची लागण झाल्याचे समोर आले आहे . त्यात पुन्हा कळमनुरी तालुक्यातील कामठा येथील एका ५३ वर्षीय व्यक्तीचा मृत्यू झाल्याने आरोग्य विभागाची झोप उडाली  आहे.सेनगाव तालुक्यातील तब्बल १३ जण कोरोना पॉझिटिव्ह आले आहेत . या मध्ये मुंबई वरून परतलेले खुडज येथील ९ , दिल्ली येथून बरडा येथे आलेले ३ तर गोरेगाव येथे क्वारंटाईन असलेले सुरजखेडा येथील एका रुग्णाचा समावेश आहे . तर कोरोना केअर सेंटर लिंबाळा येथील ३१ व्यक्तींना कोरोनाची लागण झाली आहे . या मध्ये मुंबईवरून परतलेले २२ , औरंगाबाद ४ , रायगड १ , कर्नाटक राज्यातील बिदर येथून आलेला एक , भिरडा येथील कोरोना बाधित रुग्णाच्या संपर्कातील २ व्यक्ती तर एका समुदाय आरोग्य अधिकारी यांचा समावेश आहे . 

 

जिल्ह्यात शनिवारी तब्बल ५० कोरोना बाधित रुग्ण आढळले आहेत.आता जिल्ह्यात एकूण कोरोना बाधित रुग्णांची संख्या १५१ एवढी झाली आहे . त्यातील ८ ९ रुग्णांनी कोरोनावर मात केल्याने त्यांना सुट्टी देण्यात आली आहे . आहे तर सद्या जिल्ह्यात एकूण कोरोना बाधित रुग्णाची संख्या ६२ वर पोहचली आहे .त्यामुळे आता आरोग्य विभागाची धाकधूक वाढली आहे.

 

 

 

 

ReplyForward