चिंताजनक; हिंगोलीत एकाच दिवशी आणखी २४ रुग्ण, एकूण 76 झाले

चिंताजनक; हिंगोलीत एकाच दिवशी आणखी २४ एसआरपीएफ जवानांसह एका परीचारिकेला कोरोनाची बाधा

रुग्ण संख्या पोहचली ७६ वर ,आकडा वाढता वाढे

हिंगोली - मुंबई वरून ड्युटी करून परतलेल्या २३ तर   सामान्य रुग्णालयातील एका परीचारिकेला  असे मिळून सुमारे  २४ जणांना कोरोनाची लागण झाल्याचे सोमवारी रात्री साडे अकराच्या सुमारास प्राप्त अहवालावरून समोर आले असून, पूर्वीचे आणि आताचे मिळून अश्या ७० जवानांना कोरोना पॉझिटिव्ह झाला आहे. तर रुग्ण संख्या आता ७६ वर गेली आहे.

मुंबई ,जालना येथून कर्तव्य बजावून परतलेल्या १९४ जवान हिंगोलीत दाखल झाल्यानंतर त्यांना १४ दिवस राज्य राखीव दलाच्या एका हॉल मध्ये क्वारंटाइन करण्यात आले होते. त्यानंतर या सर्वांचे स्वाब नमुने औरंगाबाद येथील प्रयोग शाळेकडे पाठविण्यात आले होते. त्यांचा अहवाल सामान्य रुग्णालयात प्राप्त होताच यातील पहिल्या टप्यात४८ जवानांना कोरोना लागण झाल्याचे स्पस्ट झाले असताना ,त्यांना स्वतंत्र कक्षात भरती करण्या ऐवजी झालेल्या आणि न झालेल्या जवानांना एकत्र ठेवल्याची चूक भोवल्याने आजघडीला जवानांच्या रुग्ण संख्येत भर पडत आहे.

बंदोबस्तासाठी गेलेल्या ७० जवानापैकी  ३४ जवान हे मालेगाव येथे गेलेले होते. तर उर्वरित ३६ जवान हे मुंबई येथे कार्यरत होते.तसेच जिल्हा सामान्य रुग्णालयात कार्यरत असलेल्या एका २४ वर्षीय परीचारिकेला देखील कोविड -१९ ची लागण झाल्याचे आज रात्री प्राप्त अहवालावरून स्पस्ट झाले आहे. त्यामुळे आजमितीला जिल्ह्यात सुमारे ७७ रुग्ण पॉझिटिव्ह  असल्याचे निष्पन्न झाले आहे. या पूर्वी सर्वात प्रथम पॉझिटिव्ह असलेला एक रुग्ण निगेटिव्ह होऊन बरा झाल्याने त्याला सुट्टी दिली आहे. त्यामुळे आता ७७ कोरोना लागण झालेल्या रुग्णावर उपचार सुरु आहेत. त्यामुळे दिवसेंदिवस रुग्ण संख्या वाढत असल्याने  नागरिकांनी अत्यावश्यक काम असेल तरच घराबाहेर पडा ,अन्यथा पडु नये ,घरीच थांबा, सुरक्षित राहा असे आवाहन देखील जिल्हा शल्यचिकित्सक डॉ. किशोर प्रसाद श्रीवास यांनी केले आहे.