हिंगोली एसआरपीएफच्या आणखी तीन जवानांसह एका व्यक्तीला कोरोनाची लागण
हिंगोली एसआरपीएफच्या आणखी तीन जवानांसह एका व्यक्तीला कोरोनाची लागण
कोरोना बाधितांची संख्या वीस वर पोहचली
हिंगोली - मालेगाव येथून परतलेल्या राज्य राखीव दलाच्या तीन जवानासह जालना येथून आलेल्या जवानाच्या संपर्कातील पुतण्या व एका व्यक्तीला अश्या एकूण चार जणां
आजघडीला जिल्हा सामान्य रुग्णालयातील आयसोलेशन वॉर्डात हिंगोली एसआरपीएफचे १५ जवान व जालना एसआरपीएफचा एक असे एकूण १६ जवान पॉझिटिव्ह असून त्यांच्यावर उपचार सुरु आहेत. तर यातील १३ जवान हे मालेगाव येथे कार्यरत होते. आणि उर्वरित तीन जवान हे मुंबई येथे कर्तव्यावर होते.
जालना येथील एसआरपीएफ जवानाच्या संपर्कातील आणखी एका व्यक्तीला कोरोनाची लागण झाली आहे. त्याचा अहवाल आज सकाळी प्राप्त झाला. या व्यक्तीला जिल्हा सामान्य रुग्णालयात भरती करण्यात आले असून त्याच्यावर उपचार सुरू केले आहेत.तसेच जालना जवानाच्या संपर्कातील त्याचा चार वर्षाचा पुतण्या व गुरुवारी दाखल झालेल्या व्यक्तीला देखील कोरोनाची लागण झाली आहे .
आजघडीला जिल्ह्यात एकूण२१ कोविड १९, रुग्ण संख्या झाली असून त्यातील एका व्यक्तीचा अहवाल निगेटिव्ह आल्यामुळे त्याला सुट्टी देण्यात आली. त्यामुळे जिल्ह्यात कोरोना बाधित्यांची संख्या वीस वर गेल्याने आता प्रशासनाची चिंता वाढली आहे.जिल्ह्यात कोरोना बाधित रुग्णाची संख्या २१ वर गेली होती. परंतु त्यातील एका व्यक्तीचा अहवाल स्वामी रामानंद तीर्थ विद्यापीठ प्रयोग शाळेकडून निगेटिव्ह आल्याने आजघडीला कोरोनाची लागण झालेल्या रुग्णांची संख्या वीसवर गेल्याने जिल्हा प्रशासनाची धाकधूक वाढली आहे. दरम्यान, कोरोना विषाणूचा वाढता संसर्ग पाहता जिल्हा प्रशासनाने गुरुवार पासून तीन मे पर्यंत बाजारपेठ बंद ठेवण्याचे आदेश काढले आहेत. विनाकारण रस्त्यावर फिरणाऱ्या नागरिकांवर कारवाई करण्याचे आदेश जिल्हाधिकारी रुचेश जयवंशी यांनी पोलीस विभागाला दिले आहेत.
