हिंगोलीत कोरोनाचे दोन संशयीत रुग्ण आढळले
हिंगोलीत कोरोनाचे दोन संशयीत रुग्ण आढळले
सुरक्षेच्या दृष्टीने दोघांवर उपचार सुरू, एक पुणे येथून तर दुसरा दुबईतून दाखल
हिंगोली - येथील जिल्हा सामान्य रुग्णांलयात कोरोनाची लक्षणे आढळलेल्या दोन संशयीतावर सुरक्षेच्या दृष्टीने शनिवारी (ता.१४) उपचार सुरू करण्यात आले आहेत. यात एक पुणे येथून तर दुसरा दुबई मार्गे दोघेही ट्रव्हल्सने सकाळी आले होते. दोघांनाही सुरक्षीततेच्या दृष्टिकोनातून उपचारखाली ठेवण्यात आले असल्याचे जिल्हा शल्‍यचिकित्‍सक डॉ. किशोर प्रसाद श्रीवास यांनी सांगितले.
हिंगोली जिल्ह्यात कोरानाचा अद्याप एकही रूग्ण आढळुन आलेला नाही. प्रशासनाकडून खबरदारी म्हणून सर्व उपाय-योजना व जनजागृती केली जात आहे. परंतु शनिवारी येथील जिल्हा रूग्णालयात दोन संशयीतावर उपचार सुरू आहेत. केवळ संशयीत म्हणून या दोघांना उपचाराखाली ठेवण्यात आले आहे. हे दोघे प्रवासी ट्रॅव्हल्सने आल्यानंतर त्यांना कोरोनासी साम्य असलेली काही लक्षणे असल्याचे त्यांना जाणवले. त्यानंतर दोघेही हिंगोली शहरातील एका खाजगी रूग्णालयात उपचारासाठी गेले होते. यावेळी संबंधित डॉक्टराने प्रथम तपासणी केली असता यावेळी या दोघांमध्येही कोरोनाचे साम्य असलेली काही लक्षणे आढळुन आली आहेत.
या दोन संशयीतात एक पुणे येथून आला तर दुसरा दुबई येथून दुपारी एक वाजता आला होता. त्‍यांनतर दोघांनाही प्राथमिक उपचारासाठी सामान्य रुग्णालयात तज्ज्ञांचा निगराणी खाली दाखल केले असता या दोघांचेची बल्‍ड स्‍टेट, एक्‍सरे, केपीटी, एलएफटी, सीबीसी, सॅप सॅम्‍पल आदींची तपासणी करून रिपोट पुणे येथील प्रयोग शाळेकडे पाठविण्यात आले. या दोघांनाही उपचारादरम्यान ॲन्टी बायोटीक औषधी देण्यात आले.
त्यानंतर या दोघांनाही सुरक्षीततेच्या दृष्टीकोनातून जिल्हा रूग्णालयातील कोरोना आयसोलेशन वार्डात तज्ज्ञांच्या मार्गदर्शनानुसार उपचाराखाली ठेवण्यात आले आहे. ते दोघेही कोरोनाग्रस्त नाहीत, केवळ ते दोघे पुणे व दुबई येथून हिंगोलीत आल्याने सुरक्षीततेच्या दृष्टिकोनातून खबदारी म्हणून त्यांना उपचाराखाली ठेवले आहे. असे जिल्हा शल्य चिकित्सक श्रीवास यांनी सांगितले. त्यामुळे नागरिकांनी न घाबरता काळजी घ्यावी असे आवाहन केले आहे. दोघांचेही तज्ज्ञामार्फत रिपोर्ट पुणे येथे पाठविले जातील. ते आल्यानंतरच दोघेही कोरोनाग्रस्त आहेत किंवा नाही हे स्पष्ट होईल तोपर्यत मात्र हे दोघेही खबरदारीचा उपाय म्हणून उपचाराखाली राहणार असल्याचे जिल्हा शल्य चिकित्सक डॉ. किशोरप्रसाद श्रीवास यांनी सांगितले.
