बच्चे कंपनींच्या बहारदार फॅशन शो मधे अभिनेता अंकुश चौधरीने मुलांबरोबर केला रॅम्पवॉक.
कार्यक्रमाची सुरवात बाल कलाकार जीजा परांजपे हिच्या फ्युजन नृत्याने झाली. वय वर्षे अडीच ते नऊ अशा विविध वयोगटातील तब्बल ६५ मुलामुलींनी देशी, विदेशी, फ्युजन प्रकारातल्या पेहेरावात बहारदार रॅम्पवॉक करुन प्रेक्षकांना अचंबित केले. ऐटीत डौलदार पावलं टाकत प्रेक्षकांकडे पाहून स्मितहास्य करत वेगवेगळ्या 'पोज' देणाऱ्या या बालचमुंचा आत्मविश्वास वाखाणण्याजोगा होता. कार्यक्रम ऐन बहरात असतानाच स्टेज वरून अभिनेता अंकुश चौधरी ने एंट्री घेत मुलांबरोबर रॅम्पवॉक करत प्रेक्षकांना आश्चर्याचा धक्का दिला.
योगजा कुलकर्णी यांनी मुलांसाठी विविध प्रकारच्या पोषखांची जबाबदारी स्वीकारली होती. वैदेही पर्वतीकर, सोनल दाते, नेहा कुडाळकर आणि प्रतीक्षा देशमुख यांनी गेले दोन महिने मुलांकडून रॅम्पवॉक चा तसाच पेहेराव स्टेज वर कसा 'कॅरी' करायचा याचा सराव करुन घेतला होता. कार्यक्रमाचे आयोजन सत्यजित जोगळेकर आणि निवेदन प्रतीक्षा देशमुख यांनी केले होते.
