सुटीच्या दिवशीही कर्मचाऱ्याकडून जीपत पेंडिंग काम सुरू
सुटीच्या दिवशीही कर्मचाऱ्याकडून जीपत पेंडिंग काम सुरू
हिंगोली - रविवारी सुट्टीचा दिवस असतानाही काही विभागात कर्मचारी पेंडिंग कामे करीत बसल्याचे दिसून आले.
जिल्हा परिषदेच्या बांधकाम, प्राथमिक शिक्षण विभाग, सामान्य प्रशासन, लघु सिंचन विभाग,पशु विभागात कर्मचारी पेंडिंग कामे करीत होते. तर लघु सिंचन विभागात कार्यकारी अभियंता चंद्रकांत वाघमारे यांनी देखील रविवारी सुट्टीच्या दिवशी ही कामे बसले होते.राज्य शासनाने पाच दिवसाच्या आठवाड्यास मंजुरी दिल्याने आता २९ फेब्रुवारी पासून पाच दिवसांचा आठवडा लागू होणार आहे. त्यामुळे कर्मचाऱयांना दिलासा मिळाला असला तरी प्रशासकीय कामाचा निपटारा करण्यासाठी अधिकारी, कर्मचाऱयांना मोठी कसरत करावी लागणार आहे.आताच शनिवारी आणि रविवारी सुट्टी असली तरी देखील काही कर्मचारी सुट्टीच्या दिवशी ही रखडलेली कामे पूर्ण करण्यासाठी कार्यालयात येत आहेत. त्यामुळे पाच दिवसांचा आठवडा जरी केला तरी देखील कर्मचारी पेंडीग कामे करण्यासाठी धावपळ करावी लागणारच आहे. झिरो पेंडंसी साठी अधिकारी, कर्मचाऱ्यानी गत वर्षी बैठका घेऊन कामे निपटारा करण्यासाठी प्रयत्न केले होते. पुन्हा पाहिले पाढे पंचावन्न अशी परिस्थिती जिल्हा परिषदेत पहावयास मिळत आहे. झिरो पेंडंसी साठी आता वरिष्ठ अधिकाऱ्यानी पुन्हा प्रयत्न करायला हवेत.
